歌手鄭俊弘（Fred）昨日以紅色西裝出席9月在九展舉行的《紅色演唱會》記者會，獲唱片公司高層何哲圖、主辦單位和贊助商到場支持，場外更有近百粉絲。提到首個個唱於去年11月舉行，今次相隔不足一年再開演唱會，他感謝主辦單位和老闆支持。至於今次演唱會的新元素，他透露會跳舞，問到可會跳辣身舞？他笑說：「自己同自己辣身呀？依家確定會有幾首歌跳舞，但就唔會跳得好勁。」Fred又表示現時有努力操肌，更預告屆時會爆肌演出：「唔會好直接咁爆，但隱隱約約都會有啲。」問到可會半裸露兩點？他即口快快說：「會同導演、造型師夾一夾睇吓點樣帶呢點出嚟。（邊點？）即係點樣去帶呢Part出嚟。」他又希望下次可以登上紅館開個唱：「希望兩年內可以做到！」

Fred（左）出席個唱記者會，獲鄧建明到場支持。