陳嘉桓請韓仔「食檸檬」

女星陳嘉桓（Rose）將於書展開幕推出投資六位數的第二本旅遊書《露絲遊記－陳嘉桓帶你遊首爾》，她透露今次的首爾之旅吸引不少途人目光，又遇到集郵韓男及尾隨男，更獲邀約「飲杯嘢」，她說：「工作人員話呢位韓仔跟咗我好耐，初時有同佢影相留念，但轉咗第二個位影，又見到佢，之後仲走嚟同我傾偈，翻譯話佢想同我去酒吧飲酒，梗係請佢食檸檬啦！Not my cup of tea！」Rose此行亦到動物園睇袋鼠，更笑言英文名Chan Ka Woon（陳嘉桓）與袋鼠英文Kangaroo發音相似！書中亦展現了她的韓國潮Look和傳統服飾等近40個造型，讓讀者大飽眼福！