一眾佳麗即使在日本捱到殘，亦不忘趁拍攝空檔出動濕平，「高挑Charlie」Louisa、(3)「英國碩士生」羅丹虹、「城大學生」Karmen及(10)「翻版朱晨麗」陳靜儀日前下午便相約到台場某商場行街及食雪糕，眾人一見減價貨即雙眼發光！買得最豪的是Louisa，愛網購的她主攻六折及半價衫褲，成功以500港元買下一條褲、兩件衫及一袋零食：「朋友唔知我嚟，可以唔買手信，但今次真係唔得喇，點都要買啲返去，會買啲有日本特色嘅零食，仲會買啲嘢獎勵自己。呢度減緊價，仲可以親身試，Size啱啲！」

掃貨
滿載而歸的羅丹虹畀完錢即陰陰嘴笑，一副執到寶嘅樣子！

決賽在即，四位佳麗卻不怕增磅，濕平期間不忘買雪糕及凍飲消暑。

全程睇多過買的羅丹虹在「100Yen（約6.3港元）店」左揀右揀，最終只花約20港元買下一個頭箍、一把扇及杯麵，她解釋早前為參選已豪使裝身：「平時好少Shopping，今次參選都買咗好多衫，買咗我10年嘅Quota，所以要慳住使！」而Karmen花約200港元買了一條手鏈及零食。至於陳靜儀則在店內狂掃10幾包糖果，她表示打算買給朋友作手信。