歌手何弘軒（Alan）自言屬於貪靚一族，不時會拿起手機照鏡，順道舉機自拍：「我都幾鍾意自拍，通常會當鏡咁望住嚟Gel頭，然後影幾張相。」談到很多男藝人拍照時都喜歡Chok樣，而他生得一副童顏，所以拍照時喜歡展示自己的優勢大擺萌樣：「我自拍嗰陣通常會擺唔同Pose，不過擺擺吓會由Chok變咗做賣萌，賣萌個樣自然啲！」

喜愛得意樣的Alan舉V伸脷。

Alan咬着波板糖及戴皇冠自拍賣萌。

他表示雖然手機有很多自拍的存貨，卻很少公開：「我私下鍾意擺啲得意嘅樣，但都驚影咁多放上網會嚇親人。」不過，Alan的粉絲則希望他能公開更多賣萌照，他表示與粉絲影四格自拍時，對方通常都會要求他扮可愛：「可能佢哋比較少見我公開展示呢一面！」