「警鐘胸」Jessica C.（JC）昨日首次穿低胸氣球裙行騷，雖然做足安全措施，但驚爆波的JC神情緊張，步步為營！

JC穿上氣球裙行騷，一步一驚心！

文：名人組

模特兒Jessica C.昨日出席商場活動，在大會安排下穿上用氣球製成的紅裙行騷，以低胸裝性感示人的她略為緊張。由於大會安排欠妥善，JC受訪時被龍友瘋狂拍照，最後在零保安的情況下由助手協助離開。問到穿氣球裙有何感覺？她說：「第一次着好得意，着咗30分鐘確保安全，好輕。開頭有啲緊張，不過着咗就覺得好安全。（擔心胸口位？）初頭都驚爆，我打晒底，但見到設計師先放心，佢話可以坐，不過我冇試過。」問到有否先讓男友安志杰過目，男友會否覺得很性感？她說：「有影相畀佢睇，佢都幾開心。（結婚會唔會咁着？）會係呢種Style，但我傳統啲，會着其他款，生日派對就着得！」

等結婚Plan B

提到同公司的Ana R.懷孕，JC替她感開心，並大讚日前見到Ana時仍保持到模特兒身形，又說：「佢哋成日照顧我，所以都會好識照顧BB。（你做契媽？）未傾呀！但一定會好Close。（幾時到你生？）首先要結婚，我哋都鍾意小朋友，一步一步嚟。（幾時結？）唔知。」她又笑稱將到內地拍戲3個月，暫時沒有時間造人，但希望男友前來探班。另外，JC前晚上載與Andy及友人的聚會照，一對小情人爭取時間見面，幸福到爆！