葉翠翠舉行婚禮，前緋聞男友高鈞賢、陳凱琳（Grace）、莊思敏、龔嘉欣與陳自瑤等高興到賀。露背打扮的Grace獨自到場，未見男友鄭嘉穎相伴，問到有否結婚衝動？她說：「次次見人結婚或着婚紗，自己都會心思思想，但依家唔係最啱時間。（呢個係結婚對象？）唔知呢！未傾過，初初認識咋！」高鈞賢帶同圈外女友Chika到場，拍拖兩年的他已視對方為結婚對象，問是否刻意來晒幸福？他說：「唔係！翠翠都識我女友，佢大日子又請埋我女友，男士要Gentleman！（傳過緋聞會唔會尷尬？）唔會！佢仲叫我唱情歌，練嘅時候就有啲尷尬。」並自言要努力賺錢，希望三年內結婚。至於一身「Pink Lady」打扮的莊思敏講到明恨嫁，希望翠翠有男仔介紹。

露背上陣的Grace自言雖有對象，但未係時候談婚論嫁。

與翠翠曾傳緋聞的高鈞賢否認帶女友「踩場」。

好友出嫁咁開心，莊思敏與龔嘉欣（右）當然要盛裝出席。

陳庭欣與緋聞男友翟威廉 （右圖）前後腳到場。

此外，陳庭欣（Toby）與緋聞男友翟威廉分開抵達，Toby透露對方要做主持才先到場，但又笑言要物色男仔，問到送甚麼給翠翠？她表示已儲錢多時，似乎人情相當重手。