吳若希、何傲芝、李思雅與沈卓盈為翠翠組成索爆姊妹團，但吳若希因要錄影《勁歌金曲》而缺席昨晚的婚宴，只能做半日姊妹。沈卓盈昨晨已在微博大晒一班姊妹的合照，四位星級姊妹穿上同一色系但不同剪裁的姊妹裙，相當省鏡！她還幸運地接到花球，網晒手執花球的自拍照，受訪時自爆前一晚緊張到失眠：「我落足力，好有責任感！今（昨）日好輕鬆，仲有時間扮靚，最刺激係玩新郎！」但未有透露開門利是的金額：「開心價！見佢哋個個出盡誠意，我哋都收貨。（咁你又幾時結婚？）都想有個浪漫婚禮，但係隨緣啦！見到佢哋咁Sweet就開心，希望佢哋三年抱兩！」

沈卓盈見好友出嫁又接到花球，開心到暈。