藝人張振朗（Owen）日前出席活動，有份參演新一輯《愛．回家》的他表示拍攝得如火如荼，早前有一場戲與藝員何君誠一起扮毛公仔：「嗰日成三十幾度，真係好熱，拍完一除件毛毛衫，好似着住衫沖涼咁，可以揸得出水！我仲講笑咁同君誠講，以後唔使驚拍古裝戴頭套，因為今次已經係最熱！」提到劇中與龔嘉欣有感情線，Owen笑言劇本暫時未有親密的情節，連拖手都冇：「之後要視乎佢哋對我會唔會咁好喇！」問到可擔心與對方傳緋聞？他說：「唔驚，同佢好Friend，大家係為做嘢，難得有演出機會，搞兒女私情只會嘥咗嗰機會。」

隨着演出機會增加，張振朗吸納了不少粉絲。

張振朗