入行逾四十年的鍾景輝（King Sir）首次挑戰兒童音樂劇，成功「返老還童」，但受腰患困擾的他恐影響排練，幸獲兒歌天后李紫昕代「舞」。

於劇中大晒歌喉的鍾景輝，與要跳踢躂舞的Purple同樣覺得充滿挑戰。

鍾景輝（中）首次與Purple及余俊峰（右）合演兒童音樂劇，擦出不少火花。

資深藝人鍾景輝與余俊峰自導自演本月開鑼的兒童音樂劇，並找來李紫昕擔任女主角，鍾景輝縱橫演藝圈四十多年，原來今次才是首次參與兒童音樂劇。

Purple讚錄音超速

鍾景輝會開金口獻Sing：「我都係第一次做，好開心可以同小朋友一齊玩，好似自己都後生咗咁。平日少唱歌，今次喺入面要唱，希望大家接受到。」鍾景輝笑言幸得「兒歌天后」李紫昕（Purple）從旁指點唱功，Purple則大讚他錄音水準：「因為我哋會出唱片，所以要去錄音，佢唱得好好，打破咗好多我監製開嘅歌手紀錄，可以一個鐘頭之內錄起一首經典作品。」

腰患「舞」唔掂

不過，排練期間鍾景輝的腰患突然發作，令進度險受阻，他說：「早幾日整親腰，依家行路有啲痛，好在我唔使特別大郁動，跳舞就留番畀啲後生做。」最後跳舞部分大多落在Purple身上，她表示將首次挑戰踢躂舞，壓力甚大。

至於余俊峰在劇中身兼多職，除了唱歌、跳舞及演戲外，更會與世界武術冠軍鄭仲恒對打：「演戲對我嚟講相對易少少，功夫就真係有難度，好多動作要靠大家互相遷就，體力需求好大。」