鄭欣宜（Joyce）日前接父親鄭少秋棒，以代言人身份拍攝《位元堂》廣告。談及入行多年背負着「星二代」之名，她說：「I Don't Care！我已經唔係好理人哋點睇啦！做到自己鍾意嘅嘢，唔好傷害到人就OK。以前介意人哋Label我係星二代，入行Hea做，但慢慢我發覺其實我知道自己唔係咪得，我身邊嘅工作團隊覺得唔係咪得囉！」

欣宜已不介意被人標籤「星二代」，認為做好自己最重要。

唱而優則演的Joyce坦言想做全能藝人，更自爆以觀察爸爸來偷師：「我爸爸喺設計角色方面係好Detail嘅演員，無論語氣定表情都兼顧到。但我又冇直接問佢有咩心得，反而我一路睇就一路有好多問題喺個腦入面，究竟佢係點樣抽離？佢嗰排會唔會行路都大聲啲粗魯啲？遲啲真係要問吓佢先得！」