明明可以「靠樣」生活,才華洋溢的模特兒兼時裝設計師簡幗儀偏偏腳踏實地,一步步實現「才女夢」﹗即將推出首本寫真散文集的她不但賣性感,更用文字和插圖記錄感性的一面,告訴大家她是誰!

Lilian將推出首本寫真散文集,粉絲千萬不要錯過!

Lilian為了新書嘗試鮮有的性感形象,令人眼前一亮!

內外兼備的簡幗儀(Lilian Kan)可以堪稱「人生勝利組」,年紀輕輕的她不但擁有碩士、設計師、模特兒及藝術家等銜頭,今年更將為自己增加「新進才女」的身份:「寫書一直係我嘅夢想之一,我亦好想記錄低『模特兒』呢個身份,所以就有散文寫真嘅Idea。」用唯美的照片和插畫,再加上真摯的文字,Lilian花了一年時間製作首本散文寫真書《This is Lilian》,她表示在照片上尤其用心:「今次我為咗呢本書試咗好多唔同造型,我仲嘗試咗做Model以嚟鮮有嘅性感形象,例如泳衣、內衣,仲有上身背部全裸嘅造型,雖然有啲性感但效果都係以唯美為主。」

深夜創作苦中作樂

Lilian平日要兼顧模特兒和時裝設計師的工作,已經分身不暇,因此新書的創作只能於深夜埋頭苦幹,然而她卻懂得苦中作樂:「我試過幾個月以嚟,日日都要喺深夜寫作,所以都幾疲累。不過由於攝影師係我嘅好朋友,於是我哋兩個女仔成日四圍去影相,過程就好似一齊去玩咁,其實都好享受!」而本月18日書展期間,Lilian更會親自到會展宣傳新書兼與粉絲互動。