黃建東（Derek）為偶像李司棋的郵輪演唱會任表演嘉賓，他說：「我首次做人哋演唱會表演嘉賓，我唔係歌手出身，所以特登搵歌唱老師幫我補咗幾堂，苦練《上海灘》同《白金升降機》做飲歌，我仲翻睇陳潔靈唱《白金升降機》嘅片段，學佢嗰種爆炸力同壓台感，唱完都有觀眾嗌Encore，又叫我同司棋姐合唱，好開心我冇失禮到司棋姐。」

黃建東擔任偶像李司棋的表演嘉賓，大讚對方親切。

Derek又盛讚司棋姐友善：「第一次見司棋姐時我想合照，但怕騷擾佢，於是靜靜地喺一邊等佢梳頭、化妝，反而係司棋姐主動問我係咪想合照？佢唔單只好人，仲將畢生奉獻咗畀演藝事業，創造咗好多膾炙人口角色，帶咗快樂畀觀眾，我都想以佢做榜樣。」