組合HotCha前成員黎美言（Winkie）最近密密為進軍影視界積極裝備，望成為歌影視三棲藝人。問她如何裝備自己？她表示煲盡經典電影，希望習得高手一招半式，更透露曾拜金像影帝黃秋生為師，下課後亦自己對鏡練習，認真畀心機。

曾拜金像影帝秋生為師的Winkie，最近為進軍影視界積極裝備。

喜歡郁手郁腳的Winkie，經常被朋友取笑力大無窮。

坦言恨做打女的Winkie，自爆喜歡郁手郁腳，經常被朋友笑她力大無窮：「我真係比較暴力，之前試過同人玩MMA鎖住人哋，但成日搞到自己周身瘀，所以一屋都係去瘀膏。」視吳君如和毛舜筠為偶像的她，是其效法對象，又大讚她們是高手中的高手：「之前有機會同佢哋同場，雖然同佢哋冇對手戲，但係我喺後面睇就覺得佢哋好犀利，記劇本又快，仲有種幽默喺係佢哋個身度。」