「巨聲幫」出身的歌手吳業坤與羅孝勇（Sheldon）現成為同門師兄弟，齊齊向音樂夢進發，唱開情歌的吳業坤笑言舞技未夠班，不敢效法Sheldon走跳舞路線，而與女友感情穩定的Sheldon則未有打算再作情侶檔演出。

吳業坤（左）與羅孝勇老友鬼鬼，做訪問亦互相過招。

吳業坤、羅孝勇

吳業坤早前簽約唱片公司，正式闖樂壇，與羅孝勇成為同門師兄弟，二人老友鬼鬼卻走不同音樂路線，不怕互相競爭，吳業坤說：「大家唱腔同路線唔同，樂壇依家好需要大家相輔相成，唔使理人哋做成點，做好自己就夠。」

LiveShow合作

身為師兄的Sheldon亦看好吳業坤：「佢準備得好夠，未簽約之前已經覺得佢有好多Fans，佢可以做你個Best Friend、Boy Friend同Brother，好多身份，好容易Follow到佢。」

二人自彈自唱均十分耍家，年底更有機會在Live Show合作，問到吳業坤會否效法Sheldon走跳舞路線，他搞笑地說：「想學好啲，裝備好自己先，如果依家跳嘅話應該會變咗走諧星路線。」

嘗試編曲監製

而Sheldon翻唱的一首經典情歌已於上月推出：「首歌同我同屋企人有個故事，嚟緊會嘗試自己編曲同監製，同唔同嘅音樂人合作。」他又透露與女友Jamie感情穩定，但暫時未想再作情侶檔演出。