私下是閨蜜的葉佩雯及星級化妝師Annie G. Chan日前接受東網電視《娛樂onShow》訪問,Annie大爆葉佩雯與Eric Kwok婚後變得更賢淑,而葉佩雯亦自爆會瞓低讓Annie化妝!

Grace自爆煮飯時會播Rock歌,唔知啲菜式會唔會都Rock過人呢?

Annie(中)向主持Angela(左)爆Grace秘密,果然係好姊妹!

Annie大爆Grace與Eric Kwok結婚後變得更賢淑。

歌手葉佩雯(Grace)與星級化妝師Annie G. Chan日前獲邀擔任東網電視《娛樂onShow》嘉賓,接受主持俞詠文(Angela)訪問。Annie從Grace 18歲起便擔任其化妝師,直認對這位好姊妹18歲後的事十分清楚,除了工作外,私下亦是無所不談的閨蜜。同時兼任Grace與Eric Kwok夫婦化妝師的Annie大爆Grace婚後變得賢淑,覺得她愈來愈有女人味,更會為家中小狗煮飯!不過Grace不同意,笑言不喜歡被指「賢淑」:「我煮飯時好Rock!會喺廚房播Rock歌!」

逼夫整Dreadlock

Annie又爆料指當年Eric追Grace時,經常選擇晚上錄歌,又笑他當時的Dreadlock頭似賊,搞到甩頭髮!Grace即護夫說:「其實係我要求嘅!佢好偉大,因為我好鍾意男仔Dreadlock!嗰時係熱戀期,佢之後都好後悔,話以後唔會咁做啦!」她自爆與Eric的相處之道:「我哋好少爭執,溝通方法係長期互寸,好似朋友咁!」而Annie則在旁笑說:「Eric唔寸唔鬆化!」

100問即變女神

提到化妝趣事,Grace自爆曾因工作太累而躺在桌上化妝,Angela即笑言「大吉利是」,而Annie則繼續爆料:「佢仲會瞓到張大口,化完先起身!」早前推出化妝書《炫美天書》的她除了大讚Grace是其大弟子外,還以100條問答方式教大家化女神妝,不用找她亦可以變女神!