親情無價，在《東網巨星》的「巨星最愛：親情篇」中，多位藝人都異口同聲指家人是一生最愛，別以為陳凱琳最愛肯定是「發展ing」的鄭嘉穎，其實答案很簡單，就是十月懷胎生下她的媽媽！

陳凱琳

倪晨曦
媽咪係Role Model！

諸葛紫岐
囝囝好可愛！

惠英紅
細妹Sandy係心靈雞湯！

女神陳凱琳與鄭嘉穎的關係已昇華到「發展ing」，但一生中最愛原來並非嘉穎，她在「巨星最愛：親情篇」盡訴心中情：「我嘅摯愛當然係媽咪啦！佢一直好支持同鼓勵我，雖然最近比較多新聞，但佢每次都會叫我以平常心對待，所以我真係好多謝佢！」

名模諸葛紫岐（Marie）誕下兒子Arthur後有仔萬事足，萬事以囝囝行先，最愛當然是乖仔，她說：「最愛就係囝囝，佢依家好可愛，成日同媽咪錫錫，好Sweet！佢又會同朋友Say Hi，好Friendly，又鍾意玩車同沖涼。我嘅最愛除咗囝囝仲有媽咪，因為佢好錫我，依家都知做媽咪辛苦，要兼顧好多嘢，所以母親節打算送份有心思嘅禮物畀佢！」

倪晨曦同「另一半」零秘密

模特兒倪晨曦比較貪心，明言有兩個摯愛：「我最愛係媽咪同埋孖生妹妹，佢哋喺我生命中好重要，媽咪由細到大都照顧我哋，係我嘅Role Model，佢又要做嘢同照顧屋企，好佩服佢！孖生妹妹亦係我嘅最愛，我哋出世時間只差1分鐘，好似孖公仔咁去邊都要一齊，彼此冇秘密。我覺得有佢喺身邊先係完整嘅我，媽咪同妹妹係我最愛！」

做得姊妹便是一生一世，惠英紅最愛妹妹Sandy：「我最愛係細妹Sandy，因為大家人生路一樣，每一步都一齊跌跌碰碰，我覺得佢已經係我嘅左右手同情緒導師。我有咩情緒問題，對人對事有問題，佢都會第一時間提醒我，係我嘅心靈雞湯！攞第29屆金像影后時係人生嘅漩渦，當時唔知點游番上岸，得獎時最鼓勵係喺跌低嘅地方企番起身，呢一生最冇辦法忘記！當時妹妹知道我情緒唔穩定，壓力大，心臟亦比較差，佢一直喺身邊，我得獎時即刻搵佢喺邊度，我見到佢嘅感動，好開心再有一次（得獎），我知佢都好欣慰家姐可以企番起身。」