田蕊妮與陳豪昨日宣傳無綫新劇《鬼同你OT》，阿田不但手多多將陳豪腹部上的箭篤向地，又大講有味笑話。

定欣（左）和阿田被陳豪追住射，嘟晒嘴的她們非常搞笑！

楊秀惠騷長腿現身，散發夏日魅力。

楊秀惠、中箭的陳豪、阿田和定欣等齊齊宣傳新劇。

田蕊妮、陳豪及胡定欣等昨日到太古宣傳新劇《鬼同你OT》，更挑戰射箭，事後阿田說：「阿Mo（陳豪）射嘢最勁，射到板都歪埋！」合照時更將陳豪腹部的箭篤向下，相當多手！

她笑說很多人都想摑她：「好多朋友話期待個劇，話我個樣好抵打，我都想自摑，個角色啲面口太樣衰，定欣都想摑我。（老公杜汶澤摑得你唔少？）梗唔係，我喺屋企係賢妻嚟！佢話會喺馬來西亞趕返香港睇我個劇。」

定欣中箭驚冇仔生

陳豪則說：「接《武則天》播都有壓力，但宣傳撞正掛八號風球係好兆頭，我都要趕返去做防風措施。（掛住對仔？）啲仔臨瞓前望過吓，So Cute！」

而定欣玩遊戲時被射中背脊，她說：「就嚟冇仔生！（心急生仔？）女仔梗係咁講。」