張致恒（Steven）近年發憤創立個人服裝品牌，身為老闆的他與模特兒女友莊端兒頻頻穿上品牌新衫做生招牌，近日獲市集主辦單位邀請於本周六在深水埗某個商場擺檔。Steven日前孖女友到貨倉執貨，由點貨、執貨、計數到搬運均一腳踢，更因貨倉太細而被迫坐在地上執貨，二人相當合拍，半小時已完成，化身「咕喱」的Steven毫無怨言，反而大讚女友是「萬用刀」：「佢付出好多，好多嘢都係佢搞，我只係畀吓意見，當然喺設計上有鬧意見，不過最終我都聽佢講。（女友咁好點獎勵？）佢係萬用刀，最多錫啖。」此話一出，身旁的莊端兒即冧爆說：「錫大啖啲。」相當Sweet！

Steven大讚女友莊端兒是「萬用刀」，對品牌付出甚多。

Steven坐在地上執貨，完全沒有架子。