影帝張家輝昨日親臨中環adidas運動基地，以代言人身份指導四位adidas街頭籃球學院學員玩體能訓練器材ViPR。期間家輝見到其中一個學員的姿勢似「揸大炮」，即笑問是否要攻打伊拉克：「你好似流流喎呢下？」相當搞笑！

張家輝示範體能訓練器材，有板有眼。

正拍攝電影《賭城風雲3》的家輝承認有加片酬，但不肯透露確實銀碼。問到是否少了時間陪老婆關詠荷及囡囡？他即笑言她們賣甩他到美國旅遊，要獨守空房：「我對住我老婆講：『心狠手辣呀你！冇血性呀你！小心你收尾幾年！』」但他坦言不喜歡旅遊，留在香港最好：「死啦！冇大志，去唔到荷里活！」並表示間中會致電「阿哥」張學友解悶。