藝人羅霖前晚和周柏豪在將軍澳電視城錄影李思捷主持的無綫節目《今晚睇李》。已20年沒有在無綫亮相的她，坦言重遊舊地有所感觸，又指若夾到時間，不排除再與無綫合作。

羅霖自誇真人比寫真相更瘦。

真人仲瘦

寫真大戰即將來臨，提到黃榕明寸她的寫真集有排執相，羅霖自誇其寫真相與真人相差無幾，故不需要用電腦「大執」：「我去韓國影相嗰陣，攝影師同我講佢唔鍾意執相，開頭都有啲驚，但真人仲瘦。」又表示對批評百毒不侵，只有三個兒子能影響她的情緒，她透露兒子看過寫真後都「嘩嘩聲」豎起拇指讚好 ：「佢哋冇見過媽咪性感、惹火嘅一面。」

粉絲柏豪忐忑

而剛從法國巴黎回港的周柏豪表示出席當地時裝騷時，與傾慕的時裝品牌主腦見面後，終於明白做粉絲的心情：「見到佢鋪合照上網，我啱啱上飛機準備閂電話，嗰十幾個鐘心情忐忑。」問會否怕被李思捷逼供感情事？他表示「預咗」：「咁上嚟就真係玩嘅！」