洪永城昨日在將軍澳電視城拍攝新劇《實習天使》，談到恒生指數一度狂瀉逾2,000點，最終收報23,516點，他大感震驚。問到是否輸清老婆本，他說：「仲喺度，好彩冇瞓身，係衰在冇定止蝕位。」更自言投資股票約6位數字，總值縮水逾4成。

沒有瞓身的洪永城幸保住老婆本。

張羽希表示好景時月賺逾百萬。

此外，歌手張羽希（前名張苡澂）昨日帶同旗下藝人拍攝新歌MV，對於港股重創，自認災民的她承認身家縮水：「我嘅身家用嚟買股票，如果三、四個月前賣出都袋番一、二千萬，依家跌咗落嚟，冇咗好多。」又自爆早幾年港股好景時，一個月閒閒哋贏過百萬。而喬寶寶昨日與漢洋出席新書宣傳，穿上灰色衫的喬寶寶笑指被股災搞到面都灰埋，他說：「帳面蝕咗七成，平時唔着灰色衫，依家面都灰晒。」漢洋則說：「依家係浮蝕，坐住艇先，帳面都冇咗50%。」