12位候選港姐昨日出發到日本取景前拜神求順利，其中宿敵1號麥明詩與4號龐卓欣未出發先過招，麥明詩自爆為此行置新裝網購數百元平價裙，龐卓欣則自爆置裝豪使萬五元！

麥明詩入閘時面對機場職員，笑容滿面。

麥明詩（左起）、龐卓欣及陳靜儀赴日本前做足準備。

候選港姐拉隊赴日拍外景，程莉欣上機前趕買衞生巾。

文：影視組

出發赴日本前，《2015香港小姐競選》12位佳麗昨晨在將軍澳電視城舉行拜神儀式。談到出發前準備，大熱之一的「寸嘴Ada」4號龐卓欣坦言為此行添置新衫，指男友給了不少建議，問到有否性感戰衣？她說：「港姐始終係健康嘅性感，自己準備咗比較Playful、活潑嘅衫。（用咗幾多錢？）我諗用咗15,000蚊左右，有啲自己畀，有啲屋企人畀。（選港姐用好多錢？）係呀，自己都估唔到。」

「唔想失禮自己」

而宿敵十優狀元「高挑Charlie」1號麥明詩自爆亦有添置新衫，雖然有家人資助，但她表示有用補習賺來的錢。問會否特意準備終極戰衣，她笑說：「帶番第一次面試條裙，最代表到我。其實買咗好多衫，唔係用咗好多錢，因為日日返電視城，唔想失禮自己同大會。（即係幾多錢？）上網買，2、300蚊一條裙。」又笑指前晚因要做足準備所以「未瞓醒」：「跳舞、化妝同儀態，由頭執到落尾。」

而「翻版朱晨麗」10號陳靜儀（Kristi）勤練舞功：「進步咗，跳過少少咁，老師都好好。」另外，「闊面湯寶如」8號程莉欣於上機前，被發現匆匆趕往買衞生巾。