黎耀祥、蕭正楠、胡定欣及林夏薇等出席電視劇《公公出宮》的煞科飯局，剛在開平拍外景回港的祥仔膚色黝黑，又狂呻：「當地冇雨水，經常喺30至40度高溫下工作，真係辛苦！」他透露拍畢該劇後，要待9月才返無綫開工，打算利用這段時間還廣告債及登台。他又計劃陪太太到日本旅行享受二人世界，兒子則會留港準備公開試，問到會否擔心兒子獨留在港會「出事」？他笑說：「出事都係喜事，怕咩啫？最多咪娶新抱！（仔仔拍緊拖？）唔知喎！Puppy Love，一齊溫吓書，食吓飯。」

黎耀祥打算與太太到日本旅行，賣甩乖仔留港溫習。

胡定欣（右）與林夏薇Friend爆，仲夾埋着情侶裝。

至於蕭正楠大放閃光彈，透露在開平拍外景後提早返港，為女友黃翠如送上驚喜，提到女友早前自爆「唔洗頭」，他笑說：「係細個嘅事，佢依家把頭髮好靚！」而胡定欣與林夏薇因合作拍劇成為好友，談到早前相約陳山聰等猛男出海曬太陽，定欣說：「早排太忙想輕鬆吓，況且想約咗好耐喇！」