英皇藝人陳家樂、前港隊泳手朱鑑然，以及前無綫新聞主播柳俊江等昨日宣布成立「破風單車隊」，稍後將踩到各區推廣單車運動。猶記得去年家樂於台中拍攝電影《破風》時「炒車」，傷重送返港，他昨日再驚爆近日驚險遭遇：「同導演林超賢返內地出席慈善車賽，在場粉絲過分熱情，有啲單車『夾』住我車嚟行，情況同台中嗰次受傷差唔多，我有陰影即刻煞停！跟住見到幾架車喺我面前炒埋一齊。」他又稱中一時已試過炒單車入院做手術。

陳家樂自爆近日在內地險炒車的經歷。

陳家樂（中）與柳俊江（左三）等人成立「破風單車隊」。

朱鑑然今次「處男下海」接拍《破》片，練車時亦意外頻生，因此與男主角彭于晏（Eddie）變得稔熟。近日盛傳他將追隨方力申步伐，進軍娛圈，並簽約Eddie經理人公司旗下。而柳俊江被問到亞視「招兵」一事即說：「佢哋全球化，我係地頭蟲啫！佢哋要求講嘅普通話，我未必講到，況且『重金』係咪出到（糧）先？」