名模馬詩慧（Janet）昨午帶同15歲囝囝王躍穎（Kadin）出席戒毒基金會活動，Janet大爆囝囝因掛住玩電話而令成績變差：「唔需要尷尬，因為要畀佢知道呢樣嘢，然後改善自己。（平時管教好嚴？）唔會，都幾鬆。（講秘密你知？）秘密佢同家姐講，佢請教家姐點追女仔。」

Janet聞得囝囝Kadin拍拖，非常驚訝！

講到追女仔，Kadin自爆曾在家姐的教導下成功追女：「都追過幾次，幾次都OK，拍過兩次拖。」對此，Janet大驚說：「咩叫OK？邊位呀？（囝囝好受歡迎？）佢通常一拖幾件，不過係朋友，佢可能覺得單獨出吓街就係拍拖，呢個我理解。」Kadin聽到媽咪這麼說即十分尷尬。