有份參演《愛．回家》演「木偶妹」的歌手譚嘉儀，昨日與吳業坤出席活動，提到對方的「海南雞飯事件」，她表示各人有不同的做法，還自爆曾於旺角「濕平」時捲入偷竊之嫌事件：「諗起都嬲！嗰陣我喺商場買完嘢想行多陣，一個鐘後個店員無啦啦追住我話買嘢未畀錢，咁我有收據喺手，叫佢Check閉路電視同報警佢又唔肯，我估佢係想屈我畀多次錢，最後佢可能怕我去報警就自己走咗。」至於吳業坤指「海南雞飯事件」讓他上了人生一課，被問為何不據理力爭？他說：「佢講得出咁嘅說話，都知同佢理論都冇用！（網民話你係鍵盤戰士？）佢哋自己咪又係鍵盤戰士，其實我放上網唔係想去公審，只不過想Fans氹啫！」

譚嘉儀不忿被屈偷嘢，要求對方報警以示清白。