模特兒傅嘉莉（Kelly）擁有藝術天分的她，從未學過繪畫，卻畫得一手好畫，她說：「幾歲開始已經鍾意拎住支筆畫畫，於是媽咪幫我報名參加繪畫比賽，最後得咗獎添！」不過她沒有因獲獎而報讀專門的繪畫班，反而喜歡買書自學，閒時拿起畫筆自娛及將作品放上社交網公諸同好，獲不少朋友及品牌欣賞，她說：「有朋友嘅公司叫我幫手畫聖誕卡，亦會有品牌叫我畫畫，如果有朋友生日，我都鍾意畫畫送畀對方，比較有心思。」她表示希望大家可以透過繪畫認識傅嘉莉的另一面，她正構思以A至Z為新系列主題創作。

傅嘉莉曾將親筆畫作送給劉偉強導演。

傅嘉莉繪畫不局限於平面。

談到喜歡的畫家，Kelly首推畢加索：「佢好有創意，將正面、側面等唔同嘅角度放喺一個平面上，依家睇依然覺得好前衞創新，我都好鍾意日本嘅村上隆同草間彌生，佢哋嘅畫色彩繽紛，充滿正能量。」