歌手鄧穎芝（Vangie）為以最佳一面示人，每晚臨瞓前都花大半小時護膚，她說：「各類面膜都差唔多試過，依家科技太發達，喺屋企已經做到（美容）。」問到每月在護膚方面的花費？她說：「有平有貴，好多都係韓國買，不過依家冇去要買貴貨。」原來Vangie閒時亦會用瘦面器，她說：「好快就見到面尖尖，的確好有功效，所以我都勤做。」有兩位妹妹的她更笑言在家美容「幾划算」：「雖然護膚儀器有好多同埋幾千蚊部，不過成屋都係女人，所以都幾抵。」

雖然護膚儀器花費不菲，但鄧穎芝笑指一屋女人都會用，抵番晒！

鄧穎芝認為護膚絕不可偷懶！

鄧穎芝試過護膚用品買太多用唔晒搞到過期，故現已盡量「忍手」或送畀朋友。

Vangie自爆小時候不知要做卸妝這步驟：「細個完全零護膚，真係用手指唧黑頭，化完妝唔知要落妝，令皮膚變差，所以依家要勤啲補救。（後悔當年冇保護皮膚？）後悔呀！所以有機會生小朋友一定會教佢哋。」