擁有32C驕人身材的「城大校花」陳寶儀，以高學歷背景為「波大冇腦」平反！美麗與智慧並重的她在大學修讀土木工程，全因為前景好！她直言不介意被標籤為模，最緊要「有原則，唔玩潛規則」！

擁有32C驕人身材的陳寶儀，在大學修讀土木工程，前途無限！

雖然陳寶儀自認貪錢，但不會玩潛規則。

有「城大校花」之稱、組合FFx師妹陳寶儀（Charlie），是模界中罕有的「高材生」，於城市大學修讀土木及結構工程學科，課餘做Part-time Model，對於要兼顧學業和工作，Charlie直言初入行曾因得不到家人支持而變得反叛：「屋企人一開始反對我做Model，我覺得佢哋唔支持我，所以就Hea住讀書，結果高考唔係咁理想，要DSE（中學文憑試）重讀先入到大學，不過好彩大個啲屋企人就了解我唔會做『潛規則』嘅嘢，反而開始支持我。」

目標成為土木工程師的Charlie表示，早在中學時已經畫好人生「圖則」，選擇土木工程一來是為興趣，二來亦看好香港建築業前景：「畢業嘅起薪點已經係萬八蚊，所以我諗好畢咗業就會主力做番讀嗰行，Model就會業餘性質，放假先影相，當係為青春留影。」

不介意世俗眼光

算是半個專業人士的Charlie，被問到可會擔心背上模之名影響形象？她坦言在世俗的眼光中很多人會覺得模貪錢、博上位，甚至會與有錢人「潛規則」賣青春，但她不介意別人的想法：「我覺得人哋點睇我唔重要，我都會認我貪錢，我讀土木工程都係因為前景好，但我唔需要玩潛規則，我做嘢有自己能力，唔會被標籤。」