黃翠如的「最佳拍檔」洪永城（Tony）被問到翠如自爆唔洗頭，笑言他倆可鬥邋遢：「七日冇洗頭好閒啫！我試過七日冇沖涼啦！（戥Edwin慘？）可能佢都好鍾意咁呢，臭味相投呀！」問到緋聞女友唐詩詠有何怪癖？Tony即「護花」表示不知道。

洪永城自爆試過七日唔沖涼，可與拍檔黃翠如鬥邋遢！

洪永城遇上應屆港姐佳麗即怕醜耷低頭，眼尾都唔敢望。

麥明詩、劉聖雪

另外，無綫今年罕有地進行第三輪港姐面試，16強佳麗昨日返電視城會見高層評判。吃完晚飯後，一班佳麗竟於（車立）口遇上Tony，怕醜的他一直頭耷耷不敢望。事後，Tony笑言因為單眼皮與矇豬眼而怕引人誤會，是否怕唐詩詠呷醋？他說：「我頭先都問自己係咪上咗天堂！咁多天使嘅！」談及佳麗，穿着白底花裙的「高挑Charlie」麥明詩與「大口黃心穎」劉聖雪（Dana）有講有笑，反觀「寸嘴Ada」做獨孤精尾隨，吳佩欣（Sylvia）則穿吊帶露肩裙搶鏡，而一班佳麗將於明日首度見傳媒。