錢嘉樂昨日出席無綫記者會時表示,近日忙於張羅大女入讀幼稚園的事,又要教她不可妒忌即將出世的妹妹,更要準備為老婆湯盈盈接生,有排忙!

即將迎接二女的錢嘉樂透露暑假忙到爆!

眾人在獎金銀碼後擺甫士,為節目造勢。

草蜢玩遊戲玩到上「磅」!

錢嘉樂、草蜢及黃翠如等昨日到尖沙咀出席無綫新節目《超強選擇1分鐘》記者會,對於能夠主持無綫首個利用互動玩法進行的直播遊戲節目,眾人均大感興奮。嘉樂透露今個夏天公私兩忙:「主持節目、拍戲,仲要為大女讀幼稚園買書包、度接送返放學路線,好多嘢做。(為大肚老婆湯盈盈接生?)係啦!依家已經同大女灌輸,等佢唔好妒忌妹妹。不過都係黃翠如忙啲,佢八、九個節目喺身!」

翠如自言只是安分守己:「我有3個節目喺身,每日拍完《愛.回家》就做《超》直播。」問到有否探男友蕭正楠班?她說:「佢哋喺內地拍劇就返啦!我哋有Message同傾電話。」

草蜢太嘈唔拍劇

而草蜢則樂做主持多過拍劇,蔡一傑說:「我哋三個『福祿壽』好嘈喎!拍劇怕嘈親人呀!」蔡一智則笑言如果拍《草蜢福祿壽》的話可以考慮,蘇志威即笑說:「我哋喺無綫係負責派錢部、派歡樂部!」