落選港姐「牛雜妹」李美琪(Monnie)昨日處女拍劇便與蕭定一旗下藝人張建聲(Justin)有床戲,雖然Justin對她的螢幕初吻虎視眈眈,但她「力保不失」,坦言不想似o靚模:「唔想一出嚟就性感!」而未落實簽約蕭定一的她,昨日已經與Justin以「師兄妹」相稱,似乎簽約成數極高!

不想變o靚模的Monnie表示暫時不會行性感。

Monnie與張建聲在劇中瞓在床上鼻貼鼻,但沒有咀嘴。

初次拍劇的Monnie感激張建聲關照。

未能入選港姐的「牛雜妹」李美琪,昨日在西貢與藝人張建聲拍攝翁子光執導的短劇《筆談情.紙說愛:余迪偉愛情劇目》。處女拍劇的Monnie與Justin在劇中雖然有瞓在床上鼻貼鼻的戲碼,但Monnie成功保住處女「Pure」形象,難怪Justin嫌未夠喉,他笑說:「好可惜!師妹個螢幕初吻都未奉獻到,但第一次做演員嚟講已經好大膽,有啲面貼面嘅鏡頭出現!(已經吼住人哋初吻?)我當年何嘗又唔係畀人吼住!」

唔介意被指處女黨

Monnie昨日接受本報電話訪問,坦言暫不想拍親熱戲,她說:「我依家仲係好新,唔想一出嚟嘅感覺就係性感,所以唔係咁適合拍親熱戲住。」她表示自己不想似模,談到昨日拍的床戲,她笑說:「全部都係點到即止,喺床上滾動吓,唔使除衫嘅,好Pure!導演好錫我,留番螢幕初吻畀我。」雖然Monnie「守身如玉」,但她表示並無宗教信仰,不行性感是因為自己Body未Ready,而且屋企亦不喜歡。問到會否介意叫她「處女黨」,她說:「唔介意,都係一個稱呼啫,好似叫我『牛雜妹』咁。」

雖然仍與蕭定一洽談簽約中,但Monnie昨日開工時,已經與蕭定一旗下藝人張建聲以「師兄妹」相稱!早前曾與蕭定一會面傾合約的她,被問此事時說:「機會大唔大賣個關子先,之後你哋就知!(即係幾時?)我相信係短期內!」據知,此劇蕭定一亦有份投資,今次大賣「甜頭」,未簽約先開工,看來Monnie加盟蕭定一公司的成數極高!

準備不足落選港姐

曾表示學過戲劇的Monnie,昨日處女下海拍劇,她坦言初體驗的感覺特別:「佢哋對我好好,Justin都好關照我。」而「師兄」Justin亦大讚Monnie的表現:「OK喎!我聽講佢可能做我師妹,我覺得有呢個師妹都好開心!」當問到Monnie有否為自己未能入圍港姐作檢討,她直認當時準備不足:「又肥又唔識打扮,但又咁大膽!依家積極減緊肥!(整容?)我連打針都怕痛!」此時,減肥成功的Justin不僅沒有傳授收身秘技,更笑言可以教增肥大法,令Monnie哭笑不得。

第一手消息請下載on.cc東網iPhone/iPad/Android/Windows Phone Apps