向來注重健康的唐貝詩（Lydia）自從成為藝人後，積極做運動收身減肥，她保持每日一小時運動及適度飲食控制，她說：「我參加咗健身中心，有好多唔同嘅課程可以上，我比較鍾意打拳之類。除咗呢類比較劇烈嘅消脂運動之外，我仲鍾意做瑜伽幫助拉筋，對保健有幫助，亦會跟私人教練上肌肉鍛煉嘅課程，令身形同線條更靚，因為我之前做過脂肪測試，脂肪比例偏高，所以希望有番啲肌肉。」

Lydia到健身中心做運動，不贊成瘋狂節食瘦身。

Lydia閒時愛做瑜伽幫助拉筋，令身材更Fit。

至於飲食方面，Lydia不贊成瘋狂節食，因為體重容易反彈，對身體亦欠佳，她說：「我會晚餐戒食澱粉質同甜品，做完健身會食蛋白同雞肉補充蛋白質。」她笑言並不屬於纖瘦的身形，亦不喜歡過瘦，更奉勸各位女生減肥要適可而止：「太瘦唔止唔健康，亦都唔係靚。」