歌手柳妍熙（Shay）入行以來一直走型格路線，不過潮女外表下蘊藏一顆少女的心。自小已是Hello Kitty狂迷的她，收藏品更多到塞滿兩間屋：「媽咪都有話我依家咁大個唔可以買咁多，因為冇地方擺，佢就用咗啲紙箱Pack起，擺到成間屋都係一箱箱。香港嘅屋企又係成屋都係，被、枕頭套同毛巾等，可以有嘅嘢成間屋都係Kitty。」

柳妍熙對Hello Kitty情有獨鍾，更將Hello Kitty着上身！

置身於Hello Kitty公仔叢中，柳妍熙不禁流露出可愛調皮的一面。

Shay自認大細路，要Kitty陪住出埠：「出Trip我會帶個大公仔去，有時淨係出去一、兩日都要帶個篋裝住佢，因為佢係陪住我成長嘅公仔。」最令她感動的是，粉絲亦將其喜好記在心上：「有時Fans去其他地方旅行，都會買特別版Hello Kitty畀我，令我好開心同感動。」