藝人楊秀惠擁有令女士羨慕、男士仰慕的完美體態，她坦言研究美容瘦身課題十幾年，利用跳舞跳出好身材的她由56、57kg減至50kg。對於為何選擇跳舞，她指跟住音樂跳舞，既能針對部位收身，又能解悶。

Vivien跟着音樂跳舞，既可收身又能解悶。

Vivien非常羨慕擁有幸福家庭的周家蔚。

Vivien只練了一小時，便能跳出熟練的舞步。

Vivien在劇集《天眼》中露背演出。

Vivien以跳舞針對不同部位收身。

Vivien專注塑造完美體態，設計舞步由排舞老師負責。

Vivien與排舞老師相當有默契。

楊秀惠（Vivien）學舞多年，與排舞老師Cherry更是默契十足，為了看起來整體線條拉長，更能完美地針對不同部位收身，自認怕悶的她最愛便是跟住音樂跳舞，既能解悶又能減肥，一舉兩得。對於收身，身為美容收身品牌老闆娘的Vivien非常有心得，她說：「我之前經常諗盡辦法減肥，其實Keep住做一種運動，當減到一定程度嘅時候就會停落嚟，所以要不斷轉變，嘗試新事物。」

節食易反彈

為了收身，女士可以去到好盡。現時體重50kg的Vivien表示試過肥到56、57kg，本身有包包臉的她每天都想方設法減磅：「之前試過節食，瘦到去52kg，一食番嘢就即刻肥番，真唔想一下子肥一下子瘦。」研究美容收身十幾年的她，希望與其他女士齊齊分享心得。

演過無數角色的Vivien近期均飾演一些性感美艷的角色，她說：「我都唔知點解，仲會突然多咗啲做瑜伽同游泳嘅場口出嚟。」她在劇集《為食神探》中飾演智障人士，角色毋須化妝，又沒有朋友，她說：「哈哈！呢個係最真嘅我，屋企嘅我係唔化妝。唯唯（梁烈唯）成日笑我話：『秀惠，要你扮靚女真係好難，因為真係要扮。』」而Vivien在劇集《天眼》中露背演出，對於性感的底線，她認真地說：「三點式接受唔到！唔想特意賣弄性感。」

35歲前結婚

談到感情事，Vivien羨慕地說：「好羨慕周家蔚、李思欣佢哋咁幸福，幾時到我？我唔介意閃婚，我都希望出現一個配合到我，而且互相了解、陪我度過人生以後階段嘅人。但我知唔可以急，阿哥同阿妹都結晒婚，媽咪都會講，好彩我唔喺馬拉，如果唔係應該安排咗相睇。」

現時沒有男朋友的Vivien得出一個結論：「可能我唔太留意幾時係節日、紀念日，因為通常呢啲節日先會識到人，不過順其自然啦！（憧憬結婚？）最好35歲之前，我依家31歲，仲有時間，哈哈。」問到Mr. Right的類型和條件，Vivien目標清晰指要穩重、有責任感、不可以下巴輕輕、生活有規律，她又說：「最好係圈外人啦！因為做呢行時間唔定，希望我忙嘅時候，佢會有自己嘅興趣，等大家有私人空間，唔應該24小時都一齊。」

後記：1粒鐘速成

在受訪當日，Vivien特意排了一隻舞，見她跳得熟練又型格，以為一定練了很久。然而Vivien卻指只是練了一個鐘，擁有跳舞天分的她謙虛地表示，只專注如何為女士塑造完美體態，設計舞步則留給專業排舞師。