有「高版陳凱琳」之稱的林莉嫻擁有43吋煞食古銅長腿，但她卻覺得自己的溫柔聲線最迷人，嗲到人暈其大浪！為藝術她又可以去到幾盡？她高呼：「全裸都得！」

擁有43吋古銅色長腿的Leslie身材勻稱，難怪選擇投身模特兒界。

Leslie願意全裸影寫真，果然事業心重！

平日文靜的林莉嫻（Leslie）自言性格比較慢熱內斂，但一拍拖即變熱情俏嬌娃：「我會『變面』，對住男朋友好熱情。」曬得一身古銅色肌膚的她，打算趁夏天玩水上活動，一星期最少去一次船P，又分享曬靚心得：「我好鍾意曬太陽，又鍾意玩水上活動，所以成日都會約埋一大班朋友去遊船河！曬太陽要曬得靚，我一定會用零度嘅防曬，會曬得比較均勻，但係曬完之後就要用蘆薈保護番皮膚，唔係就會好傷，變咗乾煎！」問到如何Keep住火辣身材，她說：「平時得閒我會去做Gym踩吓健身單車，令身材Fit啲，肌肉Firm啲！」

Leslie入行後專注模特兒工作，原來亦有一股突破自己的衝勁：「之前喺內地拍過護膚品廣告，到目前為止都係做Model工作多，有得拍戲當然想，希望有導演睇中我啦！」

「凸」破性感底線

一直想影寫真集的她，更願為藝術「脫到盡」：「都有諗過出寫真，但未遇到啱嘅Offer，我想像中嘅風格會係少少性感，行優雅Style，我對身材都有信心，所以影水着都OK！我嘅性感底線都算幾Open，仲影過全裸！」身高達1米76的她擁有43吋索爆長腿，但她最滿意甜爆聲線：「我最自信係自己把溫柔嘅聲，同我Cool爆嘅外表好大反差！」

Profile

年齡：23歲

三圍：33B、24、36

身高：1米76

簡介：擁有43吋長腿，自認性格內斂，曾為工作拍攝全裸照！