陶大宇主持的飲食節目《我愛煮食男》邀得魏駿傑及姜皓文擔任嘉賓，對於有報道指魏駿傑太太打扮花枝招展兼「唔湊女」，他趁機向老婆發表「愛的宣言」﹕「大家都試過七年之癢，但搽止癢膏就冇事。我有信心同佢白首偕老，仲會追多個（小朋友）。」他又澄清老婆不是揮霍之人﹕「佢好多衫都係淘寶貨，只係佢做好多運動，着乜都好睇，我最鍾意呢種身材。湊女方面我哋分工合作嘅，佢通常湊完（個女）返學就自己去上遊艇牌照課。」他又表示夫妻之間講個「信」字，所以不會過問太太行蹤：「唔會講到佢咁貪錢，我嘅所有物業都加咗佢個名，至於外父、外母就完全經濟獨立，我外母大我一年咋！」問到是否一個浪漫的人？他笑說：「我哋匿埋捽腳趾，你哋唔知啫！」

魏駿傑（右二）為陶大宇（中）的飲食節目《我愛煮食男》擔任嘉賓。

而陶大宇表示節目已錄影到尾聲，開始有「唔捨得」的感覺，有意出書來個總結。