洪永城向來把口「（口浪）過油」，日前其緋聞女友唐詩詠與沈震軒「撐枱腳」，他坦言對她百分百信任，又表示早前於北韓拍攝節目，見盡純天然的標致靚女，但都不及詩詠，對此詩詠亦笑說：「我諗佢都係北韓小鮮肉嚟嘅！」

洪永城對唐詩詠百分百信任。

唐詩詠笑言洪永城在北韓應該相當煞食。

唐詩詠現時仍在開平為無綫劇集《公公出宮》拍外景。

無綫藝人洪永城昨日於將軍澳電視城為無新劇《實習天使》開工，早前他於北韓拍攝旅遊節目期間，其緋聞女友唐詩詠被拍得與沈震軒「撐枱腳」而被指陷入四角戀，洪永城對此笑說：「咁我要少啲出去拍嘢，去咗北韓十日啫！其實我知佢哋係好啱傾嘅朋友，一向有聯絡，佢哋食飯我都知，我唔會呷醋、亦冇唔開心。」問到唐詩詠事後有否向他解釋？他說：「唔使解釋，雜誌寫嘅嘢唔可信，我對佢百分百信任。（咁幾時公開戀情？）睇時機。」而問到於北韓拍攝的情況時，他表示出奇地安全和順利，問到可有遇到比唐詩詠更靚的北韓美女？他即「（口浪）過油」笑說：「北韓女仔純天然，亦好標致，但我從來冇見過有女仔靚得過唐詩詠。」

回敬封北韓小鮮肉

另一方面，唐詩詠現時仍在開平為無綫劇集《公公出宮》拍攝外景，對於洪永城對她百分百信任，問到是否也不會介意對方約好友撐枱腳？她笑說：「佢約朋友出街使乜問我呀！咁佢個人咁好，又風趣，咁咪多啲出去社交吓囉！佢有好多朋友嘅，男女都好多，咁梗係出去多啲啦！做嘢咁辛苦。」提到洪永城表示未見過女仔靚過她時，她亦回禮說：「我都未見過男仔隻眼細過佢，不過我諗佢喺北韓都好煞食，我諗佢喺北韓都係『小鮮肉』嚟！」