蔡思貝、陳豪、楊秀惠與陳山聰等昨日為無綫新劇《潮流教主》開工，提到同屆港姐好姊妹陳凱琳被指跟鄭嘉穎秘遊歐洲，思貝驚訝地表示不知情，但認為朋友去旅行正常不過，又讚陳凱琳的EQ夠高：「佢有個咁好嘅朋友Guide住佢嘅心理狀況，相信佢會處理得到，開心就好。」提到秀惠於劇中暗戀陳豪，思貝自爆求學時亦曾暗戀校內的籃球健將，但怕醜未敢表白，結果感覺亦隨之流逝。至於今屆港姐是非多多，思貝分享經驗說：「唔起底點識你！都知有啲抵受唔到壓力退選，我覺得唔使太介懷，我嗰年畀人講少少背景都周身唔自在，但過一排就唔記得。」陳豪則表示近期忙於拍劇，與一對兒子見面時間少，惟有捱眼瞓陪玩耍。

陳豪寧願捱眼瞓都要陪一對兒子。

蔡思貝讚陳凱琳EQ高，可以好好處理感情事。