歌手柳妍熙(Shay)去年推出的專輯反應不俗,今年第二張專輯即加碼飛到台灣錄音,更遠赴古巴及巴黎拍攝唱片封面及寫真!她透露將在專輯分享心事:「上一隻碟係講《Who's Shay》,希望呢隻會講番啲自己嘢,講愛情又好,想有不同嘅自己。」向來以潮爆Look示人的Shay,更預告會在寫真中難得地性感!

有傷患的柳妍熙,為工作依然堅持着高踭鞋!

以型格見稱的柳妍熙,會性感拍寫真。

憑唱歌獲重生

歌手出身的Shay最近頻頻以「演員」及「時裝人」身份亮相,但她表示唱歌才是最愛:「唱歌係我最鍾意嘅嘢,冇一樣可以取代到,但拍戲同參加時裝周都係挑戰,例如舊年去巴黎睇騷,全場有幾百個記者,未見過咁大場面。」

因傷及跟腱而結束運動員生涯的Shay,更坦言唱歌令她重生:「嗰時如果冇音樂,唔知我依家生活係點。受傷後我將自己收埋喺屋企,日日靠聽音樂紓緩情緒,自己嘅夢想因為受傷而冇咗,連跑鞋都着唔到,非常傷心!」惟亦感恩經歷讓她成長。

跟腱傷患惡化

雖然傷患因長時間穿高踭鞋而惡化,但Shay為着歌唱夢甘願死忍:「隊醫話我個情況嚴重過以前,個撕裂位置已經延伸到去跟腱嘅根部。佢叫我唔好再着高踭鞋,但喺呢行唔着唔得,所以我要克服佢。」她更以美國歌手Beyonce為目標,希望有日與偶像一樣跳得又唱得!

歌手柳妍熙即將推出第二張專輯,以型格歌手見稱的她,更會性感登場拍寫真!有跟腱傷患在身的她,因長期穿高踭鞋令舊患惡化,但她為圓歌唱夢堅忍下去,更希望有日成為「港版Beyonce」!