剛從泰國旅行回來的女子組合B.Gs於旅程不忘做善事,她們在導遊的帶領下參觀牛隻屠場,當得知可透過捐款幫助牛隻逃過一死,每人即捐出五位數:「有兩隻牛真係會喊,我哋去到係朝早十點,逢十二點就會劏牛,本身想餵嘢畀佢哋食,佢哋唔肯食仲不斷用個頭撞啲柱!我哋捐錢買咗四隻牛,再將啲牛畀當地農民耕田!」她們又體驗當地的祈福儀式,祝願未來大紅:「我哋唔係好迷信!因為知道點平安蠟燭可以捐錢所以就做,好樂意參與同善事有關嘅嘢!」

B.Gs成員鄒莉盈與姊妹捐錢,幫助牛隻逃過一死。