少女標本成員許雅婷(Kabby)與袁紫僑(CoCo)在MV上演一幕「SheShe」床戲,這對閨蜜穿上性感睡衣施誘,摸胸、錫嘴、熊抱樣樣做齊!她們更自爆曾被同性追求,最後與對方堅持做朋友,拒絕「拗攣」!

分屬好友的許雅婷(左)與袁紫僑上演「SheShe」床戰,毫不尷尬!

袁紫僑(左)大讚攬住許雅婷又香又舒服。

許雅婷(左)與袁紫僑咀嘴。

女子組合少女標本的Kabby與CoCo為新歌拍攝MV,劇情講述兩女追一男,她們原是感情要好的閨蜜,直至Kabby戀上男主角鄺俊宇,一直躲於衣櫃的CoCo終於傷透心。拍攝當日,其中一場大膽戲是兩名美少女上演「床戰」,情到濃時CoCo更從後胸壓攬實Kabby!

「手感」一流

她們在鏡頭背後情同姊妹,未埋位前更不時作狀錫錫,於床上攬頭攬頸!CoCo大讚「女友」Kabby有手感:「攬住佢好舒服呀!同埋好香!佢都成日嚟我屋企瞓覺,但唔會攬到咁實瞓,大家都好好朋友,所以今次拍呢啲鏡頭好開心,唔會尷尬!」

問到現實中可有遇過同性追求?Kabby說:「我唔介意,覺得愛情冇分性別!試過有打扮成男仔嘅Tomboy(TB)向我示愛,但我會以朋友感覺行先,表白嗰刻係好尷尬,但覺得唔可以冇咗呢個朋友。」

婉拒TB示愛

而CoCo亦同樣引到同性埋身,最後靠「暗示」拒愛:「以前我讀女校嗰時,有個女仔會幫我補吓功課,成日陪我周圍去,又會幫我孭袋,但我會擺出一個姿態話畀佢聽『我鍾意男仔』,提醒佢我哋只限做朋友。」

她們不介意將來於電影扮演女同志,即使情節再激再大膽,亦願意為藝術犧牲。