梁靖琪（Toby）在無綫劇《潮拜武當》飾演張頴康的保鏢，更發展成一對，她說：「同張頴康識咗十年，劇裏面有咀戲，拍嗰陣大家都喺度笑。」她最深印象是到武當山拍外景：「武當山好有靈氣，去到個人會變得好平靜，好多嘢都會睇開啲，呢幾年經歷咗好多事，以前會好執着，依家放開咗好多。」迷上健身的她表示每日都健身及練泰拳：「太多Energy，健身、打拳可以放晒啲電，連講嘢都淡定。」問到會否情迷大隻佬？她說：「又唔使大隻，依家冇諗拍拖，順其自然啦！」

梁靖琪近期練得一身爆肌，變成大隻妹。