剛推出新碟《沉香》的黃家強日前接受東網電視《娛樂onShow》訪問，大談一生最痛莫過於哥哥黃家駒的離去，並表示Beyond已逝，再沒可能聚在一起：「Beyond完咗o架啦！」

家駒的離去令家強覺得孤獨。

家強接受Angela訪問，慨嘆Beyond能令他無條件地付出。

家強希望將Beyond的榮耀永留給家駒。

家強（左）坦言與阿Paul的感情只是建基在Beyond上。

日前接受東網電視《娛樂onShow》主持Angela訪問的黃家強，重提哥哥離去這個傷口是永遠無法治愈：「呢隻碟主要係講自我療傷，其實唔止講我，好多人經歷過唔多唔少嘅挫折。（咁一生中令你最難過嘅係愛情、親情定友情？） 咁當然係哥哥家駒嘅離開，我當時覺得變得好孤獨，世界好似得番我一個咁。但其實呢個傷係永遠都醫唔番，不過失去佢嘅痛可以令我好急促咁成長，學識點樣面對自己嘅人生。」

學識忍讓

談及與黃貫中（Paul）的關係時，他不諱言與阿Paul的感情只是建基於Beyond上，並坦言因為Beyond才令他學懂忍讓：「嗰份情其實係Beyond身上，係Beyond先令我無條件咁付出，係因為Beyond令我學識忍讓，係因為Beyond令我咩都冇所謂，但當我可以放低Beyond呢個名嘅時候，我就唔想去理咁多其他人嘅嘢！」

氣餒離場

而對於葉世榮有意重組Beyond開騷紀念家駒，家強決絕地表示Beyond經已完結，並認為沒有可能再聚在一起：「Beyond完咗啦！其實最經典嘅歌，全部都係由黃家駒作，所以不如將呢份榮耀畀番佢。我嘗試咗好多次將呢份榮耀延續落去，但我最後係氣餒咁離場。」想知更多家強的心底話，就要留意東網電視《娛樂onShow》喇！