黃翠如繼續受無綫力捧，暑假除了孭飛新一輯《愛．回家》外，還會主持節目《超強選擇1分鐘》及《我係小廚神2》，十分忙碌！

短打上陣的翠如BB大騷纖幼美腿。

逾半百TVB藝員齊齊介紹暑假新節目，陣容鼎盛！

阿田和陳豪為新劇《鬼同你OT》造勢。

陳豪、田蕊妮、黃翠如、張繼聰、錢嘉樂、龔嘉欣和楊秀惠等逾半百藝員昨日出席TVB Amazing Summer活動介紹暑假新節目，備受重用的黃翠如笑說：「其他主持今日冇嚟啫，最緊張係《愛．回家》，都有壓力！」張繼聰表示新一輯接軌順暢，但提到收視時他即笑言感到胃痛，會努力做好演員本分，不會失禮一眾《愛》劇前輩。

阿田讚陳豪「識生」

而陳豪與田蕊妮為劇集《鬼同你OT》宣傳，他們不約而同也於近日與另一半慶祝結婚周年紀念，阿田笑說：「你慶祝結婚兩周年已經生咗兩個，我十周年喇！我都唔想爆我老公唔得。」

杏兒或隨時嫁人

無綫助理總經理區偉林主動回應被指藝員流失，他澄清情況並非如所指惡劣，並透露歐陽震華已經續約。問到吳卓羲與胡杏兒的續約進展？他說：「好難講，早幾日同吳卓羲傾過，短期內佢會畀個答案我哋，就算唔簽經理人合約，並唔代表唔簽部頭合約，合作係樂觀嘅。」又透露要待杏兒回港再傾：「之前佢表達過佢有啲人生計劃、事業突破。（計劃結婚﹖）要問佢，我哋估都係重要因素。」