歌手官恩娜（Ella）、陳靜（DaDa）和名模Cara G.昨日出席彩妝品牌活動，已育有一女的Cara透露胎中BB預產期為下月30日。而腳踏4吋高跟鞋、佗B仔5個多月的Ella則笑言肚皮比正常比例大：「之前去驗，醫生話BB喺100個細路中排第13大，唔知係咪外國血統關係，預計佢出世有8磅重。（開刀生？）睇醫生建議，不過我好享受個肚咁大，肥嘟嘟同圓碌碌嘅懷孕感覺。」

佗B五月的Ella（左）肚子和下月生得的Cara有得揮！

DaDa

DaDa秘戀台灣男

她透露剛和老公從泰國回來，問到會否停工待產？她說：「我好有活力，嚟緊一直有工作，睇吓身體情況再定。（上圍有冇升Cup？）有呀！唔敢想像，之前啲內衣褲全部唔啱着。（肥咗幾多？）10幾磅。」談到衛蘭與衛詩加盟其唱片公司，她說：「恭喜佢哋加入大家庭。」

而身穿白色低胸長裙大騷事業線的DaDa透露正忙於電影拍攝工作，看到Ella和Cara兩位準媽媽，她亦恨做媽媽，又大方表示有想發展的對象，對方是台灣人。