衛蘭 衛詩打孖上簽約華納

歌手衛蘭（Janice）離開Amusic後，終塵埃落定簽約華納唱片，除Janice外還有妹妹衛詩（Jill）一齊加盟，昨日華納正式公布喜訊，而Janice和Jill說：「知道好多人都關心我哋嘅動向，好開心最後同華納簽約，華納係一間好有活力嘅公司，大家嘅理念亦好相近，希望會唱更多好歌畀大家聽。」而前老闆黎明身在北京，昨日透過助手祝賀孖妹：「恭喜晒！大家一齊努力啦！」對於有傳華納肯簽Jill只因「買一送一」？華納老闆Gordon否認，堅稱與兩人同步傾約，合作條件亦好合理。而好友張文慈昨晚在微博上載與衛蘭兩姊妹及張栢芝的撐枱腳相，多謝栢芝親自下廚及賀兩人簽約新公司。