阮兒貪得意 勁冧阿Bob

憑無綫劇《愛．回家》Pinky一角成功彈起的阮兒（Chole），挾中越混血的獨有優勢和33.5C好身材，成為今期《東網Baby》「夏日心動」系列的女主角！雖然現時的她弗到漏油，但體重卻曾達130磅，全靠搏命做運動減肥：「因為香港啲嘢太好食，我自制能力又太差，好快就有人話畀我聽太肥，所以就好努力去跑步、健身、游水同跳舞。」不愛靚仔的她卻視「脂肪男」為理想對象：「男仔肥肥哋、得意可愛會可能啱我多啲，不過太肥又唔健康，因為我都鍾意做運動。」更笑言林盛斌（Bob）符合心水條件：「我覺得佢好搞笑，好氹到女仔開心。」更希望未來男友可以似他有上進心。