簽約韓國娛樂公司的龐景峰，無論外形及打扮都「升呢」，「變臉」成為充滿K-Pop味的「韓星」。他更率領二十名韓國工作人員來港，為他與韓國女團After School前隊長嘉熙合唱的歌曲拍攝MV，非常揼本。

何國鉦（左）與MV導演（右）齊齊為龐景峰試造型。

將與After School前隊長嘉熙合作MV的龐景峰，大讚嘉熙跳舞叻。

坦言不想做星媽的郭秀雲，仍對兒子龐景峰做韓星大力支持。

郭秀雲（Sharon）和錢小豪之子龐景峰簽約韓國娛樂公司，正式「升呢」為韓星的他，無論衣着打扮、化妝及髮型都充滿K-Pop味！昨日他帶同二十名韓國工作人員來港，甫落機便到本地時裝設計師何國鉦的工作室，為他與韓國女團After School前隊長嘉熙合唱的新歌MV試造型，為稍後在港拍MV作準備。愛子心切的Sharon放下手頭上的工作，親自到場監督及提供意見。

抗拒整容齋減肥

問到為何放棄於洛杉磯的銀行高薪厚職，轉行做韓星？龐景峰坦言一直希望做演員及歌手：「上年九月畢業去咗銀行做，同時間簽咗娛樂公司。朝早返完銀行，放工即刻訓練。直到上年聖誕正式辭職，全職做歌手。（視邊個為目標？）Rain。」他透露已錄了一首韓文歌，並將推出國語版，預計今年內出唱片。問他對是次合唱的嘉熙有何看法？他大讚：「佢跳舞好叻，我發音唔標準，佢都會教導吓我。（理想對象？）佢好靚，同佢私下有電話聯絡、行街、食飯。（發展機會？）當佢大姐姐。」龐景峰的外貌與過往有變，身邊朋友懷疑他整容，但他揚言對整容反感：「公司冇叫我整容，只係叫減肥。（有冇諗住整？）冇諗過，自己唔想。」

郭秀雲不想做星媽

提到因他出唱片引發母親Sharon與父親錢小豪罵戰，龐景峰即維護父母說：「每個父母都錫自己個仔，會盡量做佢哋和事老。」

另外，Sharon坦言不想做星媽，但會尊重兒子決定，讓他做自己喜歡的事。另外，錢小豪弟弟錢嘉樂昨日出席無線節目《娛樂3兄弟》錄影時，大爆太太湯盈盈第二胎也是女兒，預產期為9月25日。