楊千嬅、鄭希怡（Yumiko）和黃芷晴昨日出席護膚品牌活動，千嬅表示自上月大病後復工和首次公開露面，她還透露早前病情：「住咗8日醫院，哮喘發作同早期肺炎，吊咗7日鹽水，好多工作都要延期。」她表示現忙於籌備8月的入行20周年演唱會。

大病後復工的千嬅提到早前住了八天醫院。

Yumiko表示產後減了十磅。

問到為何大病後仍搏殺？她說：「因為啲工作簽晒。（病一病損失咗幾位數？）唔可以咁計，我寧願要健康，人生仲好漫長，想陪囝囝行遠啲，工作係要負責任，但要有好嘅狀態先做得好。」

她又笑言給予老公丁子高一個「哦」自己的機會：「尋晚喺北京搭夜機返，佢係咁叫我食維他命C同戴口罩。」並爆丁子高拍真人騷時，曾不知身上有收音咪而當眾喝她。至於Yumiko表示產後已減了10磅，但仍需努力減磅。芷晴則表示昨日約滿港視，暫未有新動向。